ഗേഴ്സൺ വിയേര വീണ്ടും മുംബൈ സിറ്റി എഫ് സിയ്ക്കായി പന്ത് തട്ടും. ലൂസിയൻ ഗോയൻ പുറമേ കഴിഞ്ഞ വർഷം മുംബൈ പ്രതിരോധം കാത്ത ഗേഴ്സണെയും മുംബൈ സിറ്റി ഇപ്രാവശ്യം ടീമിലെത്തിച്ചു. കഴിഞ്ഞ വർഷം മുംബൈ സിറ്റി എഫ് സിയ്ക്കായി 14 മത്സരങ്ങൾ കളിച്ച ഗേഴ്സൺ ഒരു ഗോളും നേടിയിട്ടുണ്ട്.
2009 ലെ അണ്ടർ 17 ലോകകപ്പിൽ ബ്രസീൽ ടീമിൽ നെയ്മറിനൊപ്പം കളിച്ച താരമാണ് ഗേഴ്സൺ.
24 കാരനായ ഗേഴ്സൺ ബ്രസീലിയൻ ക്ലബ്ബായ ഗർമിയോയിൽ നിന്നും ലോൺ അടിസ്ഥാനത്തിലാണ് മുംബൈയിലെത്തിയത്. കഴിഞ്ഞ സീസണിൽ ഗോഴ്സൺ,ഗോയൻ കൂട്ടുകെട്ടായിരുന്നു മുംബൈ ശക്തി. ഏറ്റവും കുറവ് ഗോളുകൾ വഴങ്ങിയ ടീമികളിൽ ഒന്നും മുംബൈ ആയിരുന്നു. അതുകൊണ്ട് തന്നെയാണ് ഇരുവരെയും വീണ്ടും സ്വന്തം പാളയത്തിലെത്തിക്കാൻ മുംബൈ കരുത്ത് പകരുന്നത്.
ഇതുവരെ രണ്ട് വിദേശ പ്രതിരോധതാരങ്ങളെ സ്വന്തമാക്കിയ മുംബൈ വരും ദിവസങ്ങളിൽ മറ്റ് മേഖലകളിലേക്ക് മികച്ച താരങ്ങളെയാണ് കൊണ്ടുവരാൻ ശ്രമിക്കുകയാണ്.
© സൗത്ത് സോക്കേഴ്സ് മീഡിയ വിങ്ങ്
0 comments:
Post a Comment