ഇന്ത്യ നാളെ ഇറങ്ങുന്നു ടിക്കറ്റിനായി ആരാധകരുടെ പരക്കം പാച്ചിൽ

ഏഷ്യാകപ്പിലെ ഇന്ത്യയുടെ ആദ്യ മത്സരം നാളെ ആണ്. തായ്ലൻഡിനു എതിരെ ആണ് ഇന്ത്യൻ കടുവകൾ നാളെ പോരിനിറങ്ങുന്നത്. ഈ പോരാട്ടം നേരിൽ കാണാനുള്ള ടിക്കറ്റിനായി ആരധകർ നെട്ടോട്ടം ഓടുകയാണ്. തുടക്കത്തിൽ മന്ദഗതിയിൽ ആയിരുന്നു ടികെറ്റ് വിൽപ്പന മത്സര തീയതി അടുത്തപ്പോൾ   വേഗത്തിൽ ആയി. യു എ യും ആയി ജനുവരി 10 നു നടക്കുന്ന കളിയുടെ ടികെറ്റ് ദിവസങ്ങൾക്കു മുൻപേ തീർന്നു. ഇപ്പോൾ നാളെ നടക്കുന്ന കളിയുടെ ടിക്കറ്റും ഏകദേശം തീർന്ന അവസ്ഥയിൽ ആണ്. പല ഫാൻസ്‌ ഗ്രൂപ്പുകളും നേരത്തെ തന്നെ ടിക്കറ്റുകൾ കരസ്ഥമാക്കി. ഒരു പക്ഷെ ഇൻഡ്യൻ ടീം നമ്മുടെ നാട്ടിൽ കളിക്കുമ്പോൾ സ്റ്റേഡിയത്തിൽ കിട്ടുന്നതിനേക്കാൾ കൂടുതൽ പിന്തുണ പ്രവാസലോകത്തു ലഭിക്കും. മത്സരങ്ങൾ നേരിൽ കണ്ടു ടീമിനെ പ്രോത്സാഹിപ്പിക്കാൻ  സൗത്ത്സോക്കേഴ്സും തയ്യാറായി കഴിഞ്ഞു.

പ്രതിരോധത്തിന്റെ ചക്രവ്യൂഹം തീർത്ത് നീലക്കടുവകൾ.

ഇന്ത്യൻ കൗമാര നിരയുടെ ശക്തി എന്താണെന്നു ചോദിച്ചാൽ ഏറ്റവും കൂടുതൽ ലഭിക്കുന്ന ഉത്തരം.. ഡിഫെൻസ്...
അതെ, പ്രതിരോധം തന്നെയാണ് നമ്മുടെ കരുത്ത്. ഏഷ്യൻ വമ്പന്മാർക്കെതിരെ പോരാട്ടത്തിനിറങ്ങുന്ന ഇന്ത്യൻ വന്മതിലുകൾ ഡബിൾ സ്ട്രോങ്ങ്‌ ആണ്. ശബാസ് അഹ്‌മദ്‌, തോയ്‌ബ സിങ്, ഗുർക്രീത് സിങ്, വികാസ് യുംനാം എന്നിവർ കോട്ടകെട്ടി കാത്തു സൂക്ഷിക്കുന്ന ഇന്ത്യൻ പ്രതിരോധം ഭേദിക്കുന്നത് അത്ര എളുപ്പമല്ല.. അഥവാ അവിടെ ചെറിയ പിഴവുകൾ കണ്ടെത്തി മുന്നേറിയാൽ അവരുടെ മുന്നിൽ പോസ്റ്റിൽ റിഫ്ലെക്സിന്റെയും പൊസിഷനിങ്ങിന്റെയും ചിലന്തി വല നെയ്‌തുകൊണ്ട് സാക്ഷാൽ നീരജ് കുമാർ എന്ന സ്പൈഡർ ബോയ് ഉണ്ടാകും.എളുപ്പമല്ല ഇവരെ കീഴടക്കാൻ എന്ന് ഫുട്ബോൾ ലോകം മനസ്സിലാക്കി തുടങ്ങിയിരിക്കുന്നു.പ്രതിരോധത്തിന്റെ മികവിൽ തന്നെയാണ് നമ്മുടെ ക്വർട്ടർ പ്രവേശനം. ഒരു ഗോൾ പോലും ടൂർണമെന്റിൽ നമ്മൾ വഴങ്ങിയിട്ടില്ല എന്നത് തന്നെയാണ്  അതിന്റെ ഉദാഹരണം. മാത്രമല്ല നമ്മൾ നേടിയ ഏക വിജയം വിക്രം വിയറ്റ്നാമിനെതിരെ നേടിയ പെനാൽറ്റി ഗോളിലൂടെ മാത്രമാണ്. അതിശക്തരായ ഇറാനിയൻ വമ്പന്മാരെയും  ആയിരക്കണക്കിന് അരാധകരുടെ പിന്തുണയോടെ വന്ന   ഇൻഡോനേഷ്യൻ പോരാളികളെയും ഗോൾ രഹിത സമനിലയിൽ തളച്ച ഇന്ത്യൻ പ്രതിരോധ നിരയുടെ മികവ് വളരെയധികം ശ്രദ്ധേയമാണ്. ഷോർട് പാസുകളും വേഗതയേറിയ കൗണ്ടർ അറ്റാക്കുകളും വളരെയധികം മികച്ച സ്കില്ലുകളുമുള്ള ദക്ഷിണ കൊറിയൻ പടയെ ഇന്ത്യൻ വന്മതിലുകൾ എങ്ങിനെ തടഞ്ഞു നിർത്തും എന്നത് അനുസരിച്ചായിരിക്കും നമ്മുടെ ക്വർട്ടറിലെ സാദ്ധ്യതകൾ.
ടീമിലെ ഏക മലയാളി താരം ശബാസ് അഹ്‌മദും ഗുർക്രീക്തും ആണ് ഇവരിൽ തന്നെ മികച്ച പ്രകടനം കാഴ്ച വെക്കുന്നത്.യുംനാമും തോയ്‌ബയും നല്ല പിന്തുണയും നൽകുന്നുണ്ട്.
SouthSoccers

ഏഷ്യാകപ്പ് യോഗ്യത മത്സരത്തിൽ ഇന്ത്യ ഇന്ന് കിർഗിസ്താനെ നേരിടുന്നു

ഇന്നാണ്‌ ആ സുദിനം. ഏഷ്യാകപ്പ് യോഗ്യത മത്സരത്തിൽ ഇന്ത്യ ഇന്ന് കിർഗിസ്താനെ നേരിടുന്നു. ആ ആവേശത്തിൽ പങ്കെടുക്കാൻ, നമ്മുടെ ടീമിന് പുന്തുണകൊടുക്കാൻ ആ ആവേശം എല്ലാ ഫുട്‍ബോൾ പ്രേമികളിലേക്കും എത്തിക്കാൻ സൗത്ത് സോക്കേഴ്സ് തയ്യാറായി കഴിഞ്ഞു. സ്റ്റേഡിയത്തിലെ ആവേശത്തിൽ പങ്കുചേരാൻ സൗത്ത് സോക്കേഴ്സ് അംഗങ്ങൾ പൂന്തോട്ട നഗരിയിൽ എത്തിക്കഴിഞ്ഞു. കൂടുതൽ വാർത്തകൾ സൗത്ത് സോക്കേഴ്സ് ഫേസ്ബുക് പേജിലൂടെ  നിങ്ങളുമായി പങ്കുവെക്കുന്നതായിരിക്കും

www.facebook.com/southsoccers

ആത്മവിശ്വാസത്തോടെ കിർഗിസ്താൻ

           ഏഷ്യൻ കപ്പ് യോഗ്യത മത്സരത്തിലെ തങ്ങളുടെ ആദ്യ കളി മക്കാവുനെതിരെ വിജയിച്ചിട്ടാണ് കിർഗിസ്താന്റെ വരവ്. അതിന്റെ ആത്മവിശ്വാസം അവരുടെ കൊച്ചിന്റെ വാക്കുകളിൽ പ്രകടമായിരുന്നു.
       കിർഗിസ്ഥാൻ പരിശീലകൻ അലക്‌സാണ്ടർ ക്രേസ്റ്റിനിൻ വളരെ ആത്മവിശ്വാസത്തോടെ ആണ്‌ പത്ര സമ്മേളനത്തിൽ സംസാരിച്ചത്. അദ്ദേഹത്തിന്റെ വാക്കുകളിൽ നിന്ന്
        ഞങ്ങൾ ജയിക്കാനാണ് വന്നത്. സമനില പോലും ഞങ്ങൾക്ക് സംതൃപ്തി നൽകില്ല. ഞങ്ങളാണ് ഗ്രുപ്പിലെ മികച്ചവർ. ഞങ്ങൾ തയ്യാറാണ്  ഞങ്ങൾക്കറിയാം ഇന്ത്യ ശക്തർ ആണെന്ന്. പ്രത്യേകിച്ചും സ്വന്തം നാട്ടിൽ കളിക്കുമ്പോൾ.ഇന്ത്യയുടെ പ്രതിരോധം ശക്തമാണ്. പക്ഷെ ഇന്ത്യയുടെ പ്രതിരോധത്തെ ശല്യപ്പെടുത്താൻ ഞങ്ങൾ തയ്യാറാണ്. ഇന്ത്യ സമീപകാലത്തു മികച്ച പ്രകടനം ആണ്‌ നടത്തുന്നത്. അവർക്കു കിട്ടുന്ന വിജയം അവരുടെ ആത്മവിശ്വാസം വളരെ കൂടിയിട്ടുണ്ട്. പക്ഷെ ഇത് ഇരുപത്തിഒന്നാം നൂറ്റാണ്ടാണ്. എതിരാളികളുടെ എല്ലാ വിവരങ്ങളും നമുക്ക് കിട്ടും. ഞങ്ങൾ മികച്ച തയ്യാറെടുപ്പാണ് നടത്തിയിരിക്കുന്നത്. ഒരു നല്ല മത്സരം പ്രതീക്ഷിക്കാം. കൊച്ചുപറഞ്ഞു. അടുത്തകാലത്തു കുറച്ചു മത്സരങ്ങൾ മാത്രമാണ് കളിച്ചതു. അത് ഞങ്ങളെ പേടിപെടുത്തുന്നില്ല. എന്റെ കുട്ടികൾ എല്ലാം യൂറോപ്പിലെ ലീഗുകളിൽ ആണ്‌ കളിക്കുന്നത്. അവരെല്ലാം മികച്ച ശാരികക്ഷമതയിൽ ആണ്‌. ഞങ്ങൾ നടത്തിയ തയാറെടുപ്പുകൾ ഗ്രൗണ്ടിൽ നടപ്പാക്കാൻ സാധിച്ചാൽ ഞങ്ങൾ മികച്ചവിജയം നേടും.
സൗത്ത് സോക്കേഴ്സ് മീഡിയ വിങ്ങ്

കാണ്ഠീരവ ഒരുങ്ങി ..നിങ്ങളോ ???

ഇന്ത്യയുടെ ഗാർഡൻ സിറ്റി ഇനി ഫുട്ബാൾ ലഹരിയിൽ .

എ എഫ് സി ഏഷ്യ കപ്പ് യോഗ്യത മത്സരത്തിൽ ഇന്ത്യ - കിർഗിസ് റിപ്പബ്ലിക്കിനെ നേരിടുമ്പോൾ ബംഗളുരുവിലെ കാണ്ഠീരവ സ്റ്റേഡിയത്തിലെ കാണികൾ ആവേശത്തിൽ നിറഞ്ഞാടും .സ്വന്തം ആരാധകർക്ക് മുന്നിൽ കളിക്കുമ്പോൾ ഇന്ത്യൻ ടീമിനു കൂടുതൽ കരുത്തേകും .കാണ്ഠീരവ എന്നും ആരാധകരുടെ കാര്യത്തിൽ മുമ്പന്തിയിൽ ആണ്‌ .ബംഗളുരുവിലെ ആരാധ കൂട്ടായ്മയായ വെസ്റ്റ് ബ്ലോക്ക് ബ്ലൂസ് ഒരുങ്ങി ...ബംഗുളൂരുവിലേക് കളി കാണാൻ പോകുന്നവർക്ക് താമസ സൗകര്യം ഒരുക്കാൻ #BedsForTravellingFans എന്ന ഹാഷ് ടാഗുമായി സോഷ്യൽ  മീഡിയകളിൽ ....

(Travelling fans!!

Need a place to stay?

Get in touch with @WestBlockBlues)

ഇവരുടെ ഈ ആവേശം സോഷ്യൽ മീഡിയ വൻ പ്രശംസ നേടി  കഴിഞ്ഞു.

കണ്ഠീരവയിൽ മലയാളി സാന്നിധ്യം നിറഞ്ഞു കവിയും ..തങ്ങളുടെ സ്വന്തം വിനീതിനെയും അനസിനെയും പിന്തുണക്കാൻ അവർ ഉണ്ടാകും എന്ന് തീർച്ച .

India V/S Kyrgyzstan (13-06-2017) Asia cup 2019 qualifier

#എതിരാളികളെ_പരിചയപ്പെടാം

                  2019 ഏഷ്യ കപ്പിന്റെ യോഗ്യത മത്സരത്തിൽ പതിമൂന്നാം തിയതി ഇന്ത്യ കിർഗിസ്താനുമായി ഏറ്റുമുട്ടുകയാണ്. ബാംഗ്ലൂർ ശ്രീ കണ്ടീരവ സ്റ്റേഡിയത്തിൽ വെച്ചാണ് മത്സരം നമ്മുടെ എതിരാളികൾ ആയ കിർഗിസ്താനെ ഒന്ന് പരിചയപ്പെടാം. ഫിഫ റാങ്കിങ്ങിൽ നിലവിൽ 132ത് സ്ഥാനത്താണ് നമ്മുടെ എതിരാളികൾ. വേൾഡ്കപ്പ് യോഗ്യത മത്സരങ്ങളിൽ മികച്ച പ്രകടനം ആണ്‌ അവര് നടത്തിയത്. ഗ്രുപ്പിൽ  ഓസ്‌ട്രേലിയക്കും ജോർദാനും പിന്നിൽ മൂന്നാം സ്ഥാനക്കാർ ആയി എത്തി. 4ജയം രണ്ടു തോൽവി രണ്ടു സമനില ഇങ്ങനെ ആയിരുന്നു അവരുടെ പ്രകടനം.അതിനു ശേഷം അവർ ഏഴ് സൗഹൃദ മത്സരങ്ങൾ കളിച്ചു അതിൽ രണ്ട് ജയവും മൂന്ന് തോൽവിയും രണ്ട് സമനിലയും ആയിരുന്നു നേടിയത്.
അവരുടെ പ്രധാന കളിക്കാരെ പരിചയപ്പെടാം.
➖➖➖➖➖
1)വിറ്റാലിജ് ലക്സ്
നിലവിൽ SPVGG BAATOV  ക്ലബിന് വേണ്ടിയാണ് കളിക്കുന്നത്. ഫോർവെർഡ് ആയി ആണ്‌ കളിക്കുന്നത്. 15 കളികളിൽ മൂന്ന് ഗോളുകൾ നേടി രാജ്യത്തിനായി.
2)ANTON ZEMLIANUKHIN
ഫോർവേർഡ്, ലെഫ്റ്റ് വിങ്ങർ, ലെഫ്റ്റ് വിങ്ങർ, മിഡ് ഫീൽഡർ പൊസിഷനുകളിൽ കളിക്കുന്ന പ്ലയെർ ആണ്‌. പത്തൊൻപതു കളികളിൽ ഏഴ് ഗോളുകൾ നേടി
3) AZAMAT BYMATOV
ടീമിന്റെ ക്യാപ്റ്റൻ ആണ്‌

ധൗർബല്യം
➖➖➖➖
കഴിഞ്ഞവർഷം ഏഴ് മത്സരങ്ങളിൽ രണ്ട് ജയം മാത്രം. അതെ സമയം 9 കളികൾ കളിച്ച ഇന്ത്യ 8 ജയം നേടി.
HEAD TO HEAD
➖➖➖➖➖
അവസാനം ഇരുരാജ്യങ്ങളും ഏറ്റുമുട്ടിയ രണ്ട് കളികളിലും ഇന്ത്യയ്ക്കായിരുന്നു വിജയം. ആഗസ്ത് 2007 ൽ നെഹ്‌റു കപ്പിൽ 3-0 ത്തിനും ആഗസ്ത് 2009ന് നടന്ന ഫ്രണ്ട്‌ലി മാച്ചിൽ 2-1 നും ഇന്ത്യ വിജയിച്ചു. നിലവിൽ യോഗ്യത മത്സരത്തിലെ ആദ്യ മത്സരത്തിൽ ഇരു ടീമുകളും വിജയിച്ചു.
പഴയകാല പ്രകടനത്തിൽ ഇന്ത്യക്കാണ് മുൻതൂക്കം. പിന്നെ ഇന്ത്യയിൽ ആണ്‌ മത്സരം എന്നതും നമുക്ക് അനുകൂല ഘടകമാണ്. പക്ഷേ അങ്ങിനെ എഴുതി തള്ളാൻ പറ്റാത്ത ടീം ആണ്‌ കിർഗിസ്ഥാൻ. പ്രത്യേകിച്ചും അവരുടെ ലോകകപ്പ് യോഗ്യത മത്സരത്തിലെ അവരുടെ മികച്ച പ്രകടനത്തിന്റെ അടിസ്ഥാനത്തിൽ.
സൗത്ത് സോക്കേഴ്സ് മീഡിയ വിങ്ങ്

www.facenook.com/southsoccers
#SouthSoccers #IndianFootball