സന്തോഷ് ട്രോഫിയിൽ സെമി ഉറപ്പിച്ച് കേരളത്തിന് വീണ്ടും തകർപ്പൻ ജയം

ഇന്ന് നടന്ന സന്തോഷ് ട്രോഫി മത്സരത്തിൽ മഹാരാഷ്ട്രയെയും തകർത്തെറിഞ്ഞ് കേരളം .എതിരില്ലാത്ത മൂന്ന് ഗോളുകൾക്കാണ് കേരളം ജയിച്ചു കയറിയത് . ക്യാപ്റ്റൻ രാഹുൽ രാജ് 23ആം മിനിറ്റിൽ പെനാൽറ്റിയിലൂടെ കേരളത്തിന് ആദ്യ ഗോൾ നേടി . ആദ്യ പകുതിക്ക് മുൻപായി 38ആം മിനിറ്റിൽ ജിതിൻ എം എസ്‌ കേരത്തിന് രണ്ടാം ഗോൾ നേടി കൊടുത്തു . രണ്ട്‌ ഗോളിന്റെ ലീഡിൽ രണ്ടാം പകുതിയിൽ ഇറങ്ങിയ കേരളം രാഹുൽ കെ പി യിലൂടെ 57ആം മിനിറ്റിൽ മൂന്നാമത്തെ തവണ മഹാരാഷ്ട്രയുടെ വല കുലുക്കി .ഇഞ്ചുറി ടൈമിൽ കേരളത്തിന് നാലാം ഗോൾ നേടാനുള്ള അവസരം അഫ്ദൽ വി കെ നഷ്ടപ്പെടുത്തി . മൂന്ന് മത്സരങ്ങൾ ജയിച്ച് കേരളം ഇതോടെ സെമി ഉറപ്പിച്ചു .മാർച്ച് 27ന് കേരളം ഗ്രൂപിലെ അവസാന മത്സരത്തിൽ ബംഗാളിനെ നേരിടും .