ജൂണിൽ നടക്കുന്ന ഇന്റർ-കോണ്ടിനെന്റൽ ചാമ്പ്യൻസ് കപ്പിൽ ദക്ഷിണാഫ്രിക്ക, ന്യൂസീലൻഡ് എന്നി രാജ്യങ്ങളുടെ പങ്കാളിത്തം ഉറപ്പ് വരുത്താൻ അവരിൽ നിന്ന് ഔദ്യോഗിക തീരുമാനത്തിന് കാത്തിരിക്കുകയാണ് ഓൾ ഇന്ത്യ ഫുട്ബാൾ ഫെഡറേഷൻ (എ.ഐ.എഫ്.എഫ്).
ദക്ഷിണാഫ്രിക്ക, ന്യൂസിലൻഡ് എന്നീ രാജ്യങ്ങൾ 2010-ൽ ദക്ഷിണാഫ്രിക്കയിൽ നടന്ന ഫിഫ ലോകകപ്പിൽ കളിച്ച ടീമുകളാണ് . ഇന്ത്യ ആതിഥേയത്വം വഹിക്കുന്ന ഇന്റർ-കോണ്ടിനെന്റൽ ചാമ്പ്യൻസ് കപ്പിന്റെ രണ്ടാമത്തെ എഡിഷനിൽ പങ്കെടുക്കാമെന്ന വാക്ക് രണ്ട് രാജ്യങ്ങളും ഇന്ത്യക്ക് നൽകിയിട്ടുണ്ട് .
നാല് രാജ്യ ടൂർണമെൻറിൽ ഹോങ്കോങ്ങും ഏഷ്യയിൽ നിന്നുള്ള ടീമായിരിക്കും .
ഇന്റർ-കോണ്ടിനെന്റൽ ചാമ്പ്യൻസ് കപ്പ് രണ്ടാം എഡിഷൻ ജൂൺ 1-8 വരെ നടക്കും. ചെന്നൈ, ബംഗളുരു, മുംബൈ എന്നിവിടങ്ങളിലാണ് ഷോർട്ട്ലിസ്റ്റു ചെയ്ത വേദികൾ. കഴിഞ്ഞ വർഷം ചെന്നൈയിൽ എഐഎഫ്എഫിനു മത്സരം നടത്താൻ കടുത്ത ബുദ്ധിമുട്ട് അനുഭവപ്പെട്ടെതിനാൽ ബംഗളൂരുവിലും മുംബൈക്കും ആയിരിക്കും കൂടുതൽ സാധ്യത .
2017 ൽ ഇത്തരത്തിലുള്ള ആദ്യ ടൂർണമെന്റ് സെന്റ് കിറ്റ്സ് ആന്റ് നെവിസ്, മൗറീഷ്യസ് അടങ്ങുന്ന ത്രിരാഷ്ട്ര ടൂർണമെന്റായി മുംബൈയിൽ നടന്നു. മൗറീഷ്യസിനെ 2-1നു തോൽപ്പിച്ചും സെന്റ് കിറ്റ്സും നെവിസിനെ 1-1ന് സമനിലയിൽ പിടിച്ചും ഇന്ത്യ ചാമ്പ്യന്മാരായി .
ഏഷ്യൻ കപ്പിന് മുൻപായി സ്റ്റീഫൻ കോൺസ്റ്റന്റൈൻ തയ്യാറെടുപ്പുകൾ നടത്താൻ വലിയൊരു അവസരമാണ് ഇന്റർ-കോണ്ടിനെന്റൽ ചാമ്പ്യൻസ് കപ്പ്, കൂടാതെ ഇത് കോൺസ്റ്റന്റൈന്റെ കോച്ചിങ്ങിന് വലിയൊരു പരീക്ഷണം കൂടിയായിരിക്കും .
2019 ജനുവരിയിൽ ഏഷ്യൻ കപ്പ് യു.എ.ഇയിൽ നടക്കും.
0 comments:
Post a Comment