Sunday, September 24, 2017

കൊൽക്കത്ത ഫുടബോൾ ലീഗിൽ കലാശപ്പോര് ; ഇന്ന് കൊൽക്കത്ത ഡെർബി



കൊൽക്കത്ത ഫുട്ബോൾ ലീഗിൽ ഈസ്റ്റ് ബംഗാളിന്റെ  ഏഴു വർഷത്തെ ആധിപത്യം നാളെ കാഞ്ചൻജംഗ സ്റ്റേഡിയത്തിൽ മോഹൻ ബഗാനിൽ നിന്നും വെല്ലുവിളി നേരിടും .

38 തവണ ചാമ്പ്യൻമാരായ ഈസ്റ്റ് ബംഗാൾ കഴിഞ്ഞ ഏഴ് വർഷത്തിൽ സി എഫ് എൽ  ടൂർണമെന്റിൽ തോറ്റിട്ടില്ല. കാഞ്ചൻജംഗ സ്റ്റേഡിയത്തിൽ  സമനില നേടാനായെങ്കിലും ഈസ്റ്റ് ബംഗാളിന് അവരുടെ ആധിപത്യം നിലനിർത്താൻ മതിയാകും.



മോഹൻ  ബഗാന് ഒന്നാം സ്ഥാനം ഉറപ്പിക്കാൻ വിജയം ആവിശ്യമാണ് . ഈസ്റ്റ് ബംഗാൾ  22 പോയിന്റുമായി ഗോൾ ഡിഫറെൻസിലും മുന്നിട്ട് നിൽക്കുന്നു .


2009 ലാണ് മോഹൻ ബഗാൻ അവസാനമായി കിരീടം നേടിയിയത് . ഈസ്റ്റ് ബംഗാളിനോടൊപ്പം ഖാലിദ് ജാമിലിന്റെ ആദ്യ ടൈറ്റിൽ തടയാൻ കാമോ  സ്റ്റീഫൻ ബായി, അൻസുമാന ക്രോമ എന്നിവരുടെ പ്രകടനം നാളെ  മോഹൻ ബഗാന്  നിർണായകമാകും



ഈസ്റ്റ് ബംഗാളിന്റെ മലയാളി  സ്ട്രൈക്കർ വി പി സുഹൈറിന്റെ സേവനം പരിക്ക് മൂലം നഷ്ടമായിട്ടുണ്ടെങ്കിലും ട്രിനിഡാഡ് ആൻഡ് ടൊബാഗോ ഫോർവേഡ്  വില്ലീസ് പ്ലാസയും മലയാളി താരം ജോബി ജസ്റ്റിനും സിറിയൻ മിഡ്ഫീൽഡർ മഹ്മൂദ് അൽ അംനയോടൊപ്പം ടീമിനെ മുന്നോട്ട് നയിക്കും .



മലയാളികളായ ഷിബിൻ രാജ് മോഹൻ ബഗാന് വേണ്ടിയും ഗോകുലം എഫ് സി പ്ലയെർ ആയിരുന്ന മിർഷാദ് ഈസ്റ്റ് ബംഗാളിന് വേണ്ടിയും വല കാക്കും .

ആരാധകരെ സംബന്ധിച്ചെടുത്തോളം നാറാഴ്ച്ച  ഗാലറിയിൽ തീപ്പാറും .ആഴ്ചകൾക്ക് മുന്പ് തന്നെ ടിക്കറ്റുകൾ വിറ്റഴിചിട്ടുണ്ട് .

സ്റ്റേഡിയത്തിന് പുറത്തു ലൈവ് സ്‌ക്രീനിങ്ങും ഒരുക്കുന്നുണ്ട് .കഴിഞ്ഞ ദിവസം ഈസ്റ്റ് ബംഗാളും മോഹൻ ബഗാൻ ആരാധകർ തമ്മിൽ സംഘർഷം നടന്നിരുന്നു .ഇതും കൂടി കണക്കിലെടുക്കുകയാണെങ്കിൽ നാറാഴ്ച്ച  കലാശപോരിനു മൂർച്ച കൂടുമെന്ന് തീർച്ച .


0 comments:

Post a Comment

Blog Archive

Labels

Followers