ഏഷ്യൻ ഫുട്ബോൾ ഫെഡറേഷൻ ബ്രോഡ്കാസ്റ്റിങ്ങ് രംഗത്ത് പുതുചരിത്രം കുറിക്കുന്നു. ആഗസ്റ്റ് 23 ന് നടക്കുന്ന ബെംഗളൂരു എഫ് സിയും നോർത്ത് കൊറിയൻ ക്ലബ്ബായ ഏപ്രിൽ 25 തമ്മിലുള്ള എ എഫ് സി ഇന്റർ സോൺ സെമി ഫൈനൽ മത്സരം ഫെയ്സ്ബുക്കിലൂടെ ഇന്ത്യയിൽ സംപ്രേഷണം ചെയ്യും. അതിവേഗം വളരുന്ന കൊണ്ടിരുന്നു സാങ്കേതിക വിദ്യ ഉപയോഗിച്ച് ഫുട്ബോളിന് കൂടുതൽ പ്രചാരം നൽകുക എന്ന ലക്ഷ്യത്തോടെയാണ് എ എഫ് സി പുതിയൊരു വിപ്ലവത്തിന് തുടക്കം കുറിക്കുന്നത്.
ഇത് ഏഷ്യൻ ഫുട്ബോളിന് മറക്കാനാവാത്ത ഒരു നിമിഷമാണ്. ലോകത്തിൽ അതിവേഗം വളരുന്ന ഫുട്ബോൾ വിപണിയാണ് ഇന്ത്യ. ഇന്ത്യയിൽ ലക്ഷക്കണക്കിന് ആളുകൾക്ക് ഇപ്പോഴും എ എഫ് സി കപ്പ് മത്സരങ്ങൾ കാണുവാൻ സാഹചര്യം നിലവിൽ ഇല്ല. ഈ വിപ്ലവകരമായ മാറ്റം ഇന്ത്യയിലെ ഫുട്ബോൾ പ്രേമികൾക്ക് ആവേശം നൽകുന്നതാണ്.
എ എഫ് സിയുടെ വിഷൻ & മിഷൻ പദ്ധതിയുടെ ഭാഗമായിട്ടാണ് ഫെയ്സ്ബുക്കുമായി സഹകരിച്ച് പുതിയ ലൈവ് സംപ്രേക്ഷണം നടത്താൻ തീരുമാനിച്ചത്. ലൈവ് സ്ട്രീമിംഗിന് പുറമേ ഇന്ത്യയിൽ ഫുട്ബോളിന്റെ പ്രചാരം ഉയർത്താൻ ഫെയ്സ്ബുക്കിന്റെ പങ്കാളിത്തത്തോടെ വൈവിധ്യമാർന്ന പ്രവർത്തനങ്ങളും എ എഫ് സി ലക്ഷ്യമിടുന്നുണ്ട്.
ഫെയ്സ്ബുക്ക് ലൈവ് സ്ട്രീമിംഗ് കഴിഞ്ഞ വർഷത്തെ റണ്ണേഴ്സായ ബെംഗളൂരു എഫ് സിയുടെ മത്സരങ്ങൾ കാണുവാൻ ഇത് വഴി ലോകത്തിലെ ദശലക്ഷക്കണക്കിന് ഇന്ത്യൻ ഫുട്ബോൾ പ്രേമികൾക്ക് അവസരം ഒരുക്കും
© സൗത്ത് സോക്കേഴ്സ് മീഡിയ വിങ്ങ്
0 comments:
Post a Comment