ഹീറോ ഇന്ത്യൻ സൂപ്പർ ലീഗിലെ മറ്റൊരു ത്രില്ലർ മത്സരത്തിനാണ് ഇന്ന് ഗോവ സാക്ഷിയായത് . മൂന്ന് യെല്ലോ കാർഡും ഒരു റെഡ് കാർഡും ഏഴ് ഗോളുകളും നിറഞ്ഞതായിരുന്നു മത്സരം. മികച്ച അറ്റാക്കിങ്ങിലൂടെ 16 ആം മിനിറ്റിൽ കോറോമിനാസ് ഗോവക്ക് ആദ്യ ഗോൾ നേടി . എന്നാൽ 20 ആം മിനിറ്റിൽ മിക്കുവിന്റെ ഗോളിലൂടെ ബെംഗളൂരു സമനില പിടിച്ചു .33 ആം മിനിറ്റിൽ മറ്റൊരു അറ്റാക്കിങ്ങിലൂടെ കോറോമിനാസ് ഗോവയുടെ രണ്ടാം ഗോളും നേടി . 38ആം മിനിറ്റിൽ ഗുരുപീതിന് റെഡ് കാർഡ് കിട്ടിയത് ബെംഗളരുവിന് തിരിച്ചടിയായി . പെനാൽറ്റിയിൽ ലാൻസറൊട്ടേ ഗോൾ നേടിയതോടെ ആദ്യ പകുതിയിൽ ഗോവ രണ്ട് ഗോളിന്റെ മുൻതൂക്കം നേടി.
10 പേരുമായി ഇറങ്ങിയ ബെംഗളൂരു മികച്ച തിരിച്ചു വരവാണ് രണ്ടാം പകുതിയിൽ നടത്തിയത് .57ആം മിനിറ്റിൽ പാർട്ടലുവും 60 ആം മികുവും ബെംഗളുരുവിന് ഗോൾ നേടിയതോടെ സ്കോർ 3-3 ആയി . 63 ആം മിനിറ്റിൽ കോറോമിനാസ് ഗോവക്ക് വേണ്ടി വിജയ ഗോൾ നേടി തന്റെ ഹാട്രിക് പൂർത്തിയാക്കി. ഈ സീസണിലെ ആദ്യ ഹാട്രിക്കാണ് ഇത്.
0 comments:
Post a Comment