ഐ ലീഗ് സീസണിന് മുന്നോടിയായി ഈസ്റ്റ് ബംഗാൾ ഐ എസ് എൽ ക്ലബ്ബുകളുമായി ഏറ്റുമുട്ടും. ബെംഗളൂരു എഫ് സി, എഫ് സി പൂനെ സിറ്റി, എഫ് സി ഗോവ എന്നീ ടീമുകളോടാകും ഈസ്റ്റ് ബംഗാൾ കളികളുക. ബെംഗളൂരു എഫ് സി യോട് രണ്ടു മത്സരങ്ങളും പൂനെ സിറ്റി, എഫ് സി ഗോവ എന്നീ ടീമുകളോട് ഒരോ മത്സരവുമാകും ഈസ്റ്റ് ബംഗാളിന് ഉണ്ടാവുക. ഒക്ടോബർ 25 , 27 തീയതികളിൽ ബെംഗളൂരു എഫ് സിയുമായി ഏറ്റുമുട്ടും. രണ്ടു മത്സരങ്ങളും രാത്രി 8 ന് ശ്രീ കണ്ടീരവ സ്റ്റേഡിയത്തിൽ വെച്ചാണ്. ബെംഗളൂരു എഫ് സി ഐ എസ് എല്ലി ലേക്ക് ചേക്കേറിയ ശേഷം ആദ്യമായാണ് ബെംഗളൂരു എഫ് സിയും ഈസ്റ്റ് ബംഗാളും നേർക്കുനേർ വരുന്നത്. ഒക്ടോബർ 30 ന് പൂനെക്ക് എതിരെ ബാലേവാഡി സ്റ്റേഡിയത്തിലും നവംബർ 3 ന് ഗോവ ക്ക് എതിരെ ബമ്പോളിം സ്റ്റേഡിയത്തിലും വെച്ചാണ് മറ്റ് മത്സരങ്ങൾ. എല്ലാ മത്സരങ്ങളും രാത്രി 8 മണിക്കാണ്.
© സൗത്ത് സോക്കേഴ്സ് മീഡിയ വിങ്
0 comments:
Post a Comment