ഉദ്ഗിർ ടൂർണമെന്റ്; സാറ്റ് തിരൂർ ഫൈനലിൽ

മഹാരാഷ്ട്രയിൽ നടക്കുന്ന ഉദ്ഗിർ ടൂർണമെന്റിൽ ഏജീസ് ഹൈദരാബാദിനെ ഒന്നിനെതിരെ രണ്ട് ഗോളുകൾക്ക് തോൽപ്പിച്ച് സ്പോർട്സ് അക്കാദമി തിരൂർ ഫൈനലിൽ കടന്നു. ഇന്ന് രാവിലെ നടന്ന സെമി ഫൈനലിൽ ഫസ്ലു റഹ്മാൻ, ഉനൈസ് എന്നിവർ സാറ്റിനായി ഗോളുകൾ നേടി. ഏജീസ് ഹൈദരാബാദിനെതിരെ മികച്ച പ്രകടനം കാഴ്ചവച്ച ഉനൈസാണ് കളിയിലെ താരം. ഈ സീസണിൽ സാറ്റ് പങ്കെടുക്കുന്ന രണ്ടാമത്തെ ടൂർണമെന്റാണിത്. ഒഡീഷയിൽ നടന്ന ടൂർണമെന്റിൽ സാറ്റ് ജേതാക്കളായിരുന്നു.