ഹീറോ ഐ ലീഗിന്റെ 2017/18 സീസണിൽ ഇന്ത്യൻ അണ്ടർ 17 ലോകകപ്പ് താരങ്ങളെയും ഇന്ത്യൻ അണ്ടർ 19 ടീമിലെ താരങ്ങളെയും ഉൾപ്പെടുത്തിയുള്ള ടീമാണ് ഇന്ത്യൻ ആരോസ് . ഇത് വരെയുള്ള ആരോസിന്റെ മത്സരങ്ങൾ വിലയിരുത്തിയാൽ ഐ ലീഗിൽ ആരോസിനെ ഉൾപ്പെടുത്തിയത് ഏറ്റവും മികച്ചൊരു തീരുമാനം എന്ന് പറയേണ്ടി ഇരിക്കുന്നു .മറ്റു മുതിർന്ന ടീമുകളോട് ജയിച്ചും പൊരുതി നിന്നുമാണ് ഇന്ത്യൻ ചുണകുട്ടികളുടെ ഇത് വരെയുള്ള പ്രകടനം . ഈ യുവ താരങ്ങളുടെ സ്കിൽസും , ഒൺ ടച്ച് പാസും , ഗോളുകളും ഇന്ത്യൻ ഫുട്ബോളിനെ വിസ്മയിപ്പിക്കുകയാണ് .
അങ്ങനെയുള്ള ഒരു തകർപ്പൻ പ്രകടനമാണ് ഇന്ത്യൻ ഫുട്ബാൾ പ്രേമികൾക്ക് ചൊവ്വാഴ്ച്ച കാണാൻ കഴിഞ്ഞത് .ഐ ലീഗിലെ ബോക്സിങ് ഡേ മത്സരത്തിൽ ഷില്ലോങ് ലജോങ്ങിനെ കീഴടക്കിയാണ് ഇന്ത്യ ആരോസ് ലീഗിലെ രണ്ടാം വിജയം സ്വന്തമാക്കിയത് . എതിരില്ലാത്ത മൂന്ന് ഗോളുകൾക്കാൻക്കാണ് ഇന്ത്യൻ യുവ നിര ഷില്ലോങ് ലജോങ്ങിനെ കീഴടക്കിയത്.
ഇതിൽ മൂന്ന് ഗോളുകൾക്കും പ്രത്യേകതയുണ്ട് . ഐ ലീഗ് ചരിത്രത്തിൽ തന്നെ ഏറ്റവും പ്രായം കുറഞ്ഞ ഗോൾ സ്‌കോറർ ആയിരിക്കുകയാണ് ജിതേന്ദ്രയുടെ ആദ്യ ഗോൾ .( പ്രായം 16 വർഷവും 6 മാസവും 13 ദിവസവും ).സോഷ്യൽ മീഡിയകളിൽ തരംഗം സൃഷ്ട്ടിക്കുകയാണ് നാങ്ദാമ്പയുടെ ആരോസിന് വേണ്ടിയുള്ള രണ്ടാമത്തെ ഗോൾ .ഇന്ത്യൻ മെസ്സി അല്ലെങ്കിൽ റൊണാൾഡോ എന്ന് ആരാധകർ പേരിടാൻ തർക്കിക്കുമ്പോഴും ഒരു കാര്യം തീർച്ചയാണ് , ഇന്ത്യൻ ഫുട്ബോളിൽ അടുത്ത കാലത്തൊന്നും ഇത് പോലൊരു ഗോൾ കണ്ടിരിക്കില്ല .നാല് ഡിഫെൻഡർമാരുടെ ഇടയിലൂടെ ഡ്രിബ്ലിങ് ചെയ്ത് കുതിച്ചായിരുന്നു നോറാമിന്റെ മിന്നും ഗോൾ . മൂന്നാമത്തേത് മലയാളി താരം രാഹുലിന്റെ ഐ ലീഗിലെ ആദ്യ ഗോൾ . ഫിഫ ലോകകപ്പിൽ ഗോൾ പോസ്റ്റിൽ തട്ടി ഭാഗ്യം കയ്യൊഴിഞ്ഞപ്പോഴും മികച്ച പ്രകടനങ്ങൾ വീണ്ടും കാഴ്ച്ച വെച്ച് വിസ്മയിപ്പിക്കുയാണ് ഈ താരം .
Click Here:
0 comments:
Post a Comment