Saturday, December 2, 2017

തോൽവിയിൽ നിന്നും കരകയരാൻ ഡൽഹിയും നോർത്ത് ഈസ്റ്റും



ഇന്നത്തെ  മൽസരത്തിൽ, ഡൽഹിയിലെ ജവഹർലാൽ നെഹ്‌റു സ്‌റ്റേഡിയത്തിൽ ഡൽഹി ഡൈനാമോസ് എഫ്‌സി, നോർത്ത് ഈസ്റ്റ് യുണൈറ്റഡ് എഫ്‌സിയുമായി പോരാട്ടത്തിനിറങ്ങും. രണ്ട് ടീമുകളും പരസ്പരം ഏറ്റു മുട്ടുന്നത് മൂന്ന് ഗോളിന്റെ തോൽവി എറ്റുവാങ്ങിയാണ് . ബെംഗളൂരുലിനോട് 4-1 ന്റെ തോൽവി വഴങ്ങിയാണ് ഡൽഹി നോർത്ത് ഈസ്റ്റിനെതിരെ ഇറങ്ങുന്നത്. നോർത്ത് ഈസ്റ്റിനാകട്ടെ ചെന്നൈയോട് മറുപടിയില്ലാത്ത മൂന്ന് ഗോളുകൾക്ക്  തോറ്റാണ് ഡൽഹിയിൽ വന്നിരിക്കുന്നത്. ഡല്‍ഹി ഈ സീസണിലെ ആദ്യ 
 ജയം പൂനെക്കെതിരെ  നേടിയെങ്കിലും നോർത്ത് ഈസ്റ്റിന് ഇതേ വരെ ആദ്യ ജയം സ്വന്തമാക്കാൻ കഴിഞ്ഞിട്ടില്ല.

ഡൽഹി ഡൈനാമോസ് 
ഡൽഹി ഡൈനാമോസ് മുഖ്യ പരിശീലകനായ മിഗുവേൽ ഏൻജൽ പോർച്യുഗൽ, 4-2-3-1 എന്ന ക്രമത്തിൽ കളിക്കാരെ വിന്യസിപ്പിക്കുന്നതിനാണ് സാദ്ധ്യത. ആക്രമണത്തിനും പ്രതിരോധത്തിനും ഒരു പോലെ പ്രദാന്യം നൽകിയാകും ഡെൽഹി കളിക്കുക. മത്യാസ് മിറാബ്ജെയിലാണ് ഡൽഹിയുടെ പ്രതീക്ഷ.മികച്ച പന്തടക്കവും വേഗതയുമുള്ള താരം ഹക്കു ഉൾപ്പെടുന്ന നോർത്ത് ഈസ്റ്റ് പ്രതിരോധത്തിന് തലവേദന സൃഷ്ടിക്കും
 
സാധ്യത ലൈൻ അപ്പ് :

ഗോൾകീപ്പർ: ആൽബിനോ ഗോമസ്
ഡിഫന്റർമാർ: സെന റാൾട്ടെ, ഗബ്രിയേൽ സിസേറോ, പ്രതീക് ചൗധരി, പ്രീതം കോട്ടാൽ
മിഡ്ഫീൽഡർമാർ: ലാലിയൻസുല ചാംഗ്‌ദേ, ഗുയോൺ ഫെർണാണ്ടസ്, പോളിനോ ഡയാസ്, മത്യാസ് മിറാബ്‌ജെ, റോമിയോ ഫെർണാണ്ടസ്
ഫോർവാർഡുകൾ: കാലു ഉചെ


നോർത്ത് ഈസ്റ്റ് യുണൈറ്റഡ്
മുഖ്യ പരിശീലകൻ ജോവോ ഡി ഡീസ് മുൻഗണന നൽകുന്ന 4-3-3 എന്ന ക്രമത്തിലുളള വിന്യാസത്തിൽ നോർത്ത് ഈസ്റ്റ് യുണൈറ്റഡ് എഫ്‌സി കളിക്കുന്നതിനായിരിക്കും സാദ്ധ്യത. കഴിഞ്ഞ കളിയിൽ പ്രതിരോധത്തിലെ പാളിച്ചകൾ പരിഹരിച്ചാകും ടീം ഇന്ന് ഇറങ്ങുക. ആദ്യ ജയമാണ് ടീം ലക്ഷ്യമിടുന്നത്. അതുകൊണ്ട് ആക്രമണ ഫുട്ബോളിന് തന്നെയാകും ഹൈലാണ്ടേഴ്സ് മുൻതൂക്കം നൽകുക. 

ഗോൾകീപ്പർ: റഹനേഷ് ടി. പി.
ഡിഫന്റർമാർ: അബ്ദുൾ ഹക്കു, മാർട്ടിൻ ഡയാസ്, സാംബിന, റോബർട്ട് ലാൽത്‌ലാമുവ്‌ന
മിഡ്ഫീൽഡർമാർ: ലാൽറിൻഡിക റാൾട്ടെ, മാർസിനോ, ഫനായി ലാൽറെംപ്യൂയ
ഫോർവാർഡുകൾ: ഹാലിചരൻ നർസാരി, ലൂയിസ് അൽഫോൺസോ പെയ്‌സ്, സെയ്മിൻലെൻ ഡംഗൽ

0 comments:

Post a Comment

Blog Archive

Labels

Followers