Saturday, December 23, 2017

തോൽക്കാൻ വന്നതല്ല , വിജയം ക്രിസ്തുമസ് സമ്മാനമായി ആരാധകർക്ക് നൽകാൻ സാധിക്കാത്തതിൽ നിരാശയുണ്ട് - സി കെ വിനീത്




ഹീറോ ഇന്ത്യൻ സൂപ്പർ ലീഗിലെ ഏറ്റവും ആവേശം നിറഞ്ഞ പോരാട്ടമായിരുന്നു ഇന്നലെ കണ്ടത് .റഫറിയുടെ തെറ്റായ നിർണയത്തിൽ നിന്ന് കിട്ടിയ പെനാൽറ്റിയിലൂടെ ചെന്നൈ ഗോൾ നേടിയതും , അവസാന നിമിഷത്തിൽ ജിംങ്കാന്റെ ഉഗ്രൻ ക്രോസിലൂടെ സി കെ യുടെ ബുള്ളറ്റ് ഷോട്ടിലൂടെ  സമനില പിടിച്ചതും അക്ഷരാർത്ഥത്തിൽ മത്സരത്തിന്റെ ആവേശം കൂട്ടി .

മത്സരത്തിന് ശേഷം ഐ എസ്‌ എൽ അവതാരകന്റെ ചോദ്യങ്ങൾക്ക് സി കെ പറഞ്ഞത് ഇങ്ങനെ .
രണ്ട് സീസണിലും ചെന്നൈയിൻ എഫ് സിക്ക് എതിരെ സ്കോർ ചെയ്തതിനെ കുറിച്ചായിരുന്നു ആദ്യ ചോദ്യം , തോൽക്കാൻ വന്നതല്ല എന്നും  നിസ്സാരമായി ജയിക്കേണ്ട മത്സരം ചില അവസരങ്ങൾ ഗോൾ ആക്കാൻ നഷ്ടപ്പെടുത്തിയതാണെന്നും വിനീത് പറഞ്ഞു . 
കൃത്യ സമയത്ത്  ഗോൾ പോസ്റ്റിന് മുന്നിൽ സ്കോർ ചെയ്യാൻ എത്തുന്നത് എങ്ങനെ എന്ന് അവതാരകന്റെ അടുത്ത ചോദ്യം , ടീം അംഗങ്ങളിൽ ഉള്ള വിശ്വാസമാണ് , കൃത്യ സമയത്ത് പന്ത് എത്തിക്കുമെന്നുള്ള വിശ്വാസമാണ് -വിനീത് പറയുന്നു .പെനാൽറ്റി നൽകിയത് തികച്ചും തെറ്റായ തീരുമാനം ആയിരുന്നു എന്നും , ഇതിൽ റഫറിയെ കുറ്റപ്പെടുത്താൻ ആകില്ല എന്നും വിനീത് കൂട്ടി ചേർത്തു .

മത്സരം വിജയിച്ച് ആരാധകർക്ക് ക്രിസ്തുമസ് സമ്മാനം നൽകാൻ സാധിക്കാത്തതിൽ നിരാശയുണ്ടെന്നും , ആരാധകർ കാത്തിരിക്കുന്ന ബെംഗളൂരു എഫ് സി യുമായുള്ള അടുത്ത മത്സരത്തിൽ തനിക്ക് സ്കോർ ചെയ്യണമെന്നും , വിജയിച്ച് മൂന്ന് പോയിന്റുകൾ നേടി ന്യൂ ഇയർ സമ്മാനായി നൽകുമെന്നും വിനീത പറഞ്ഞു .

0 comments:

Post a Comment

Blog Archive

Labels

Followers