എം എസ് പി മലപ്പുറം അണ്ടർ 15 ഐ ലീഗ് റെസ്റ്റ് ഓഫ് ഇന്ത്യ ഗ്രൂപ്പ് ഇ ചാമ്പ്യന്മാരായി ഫൈനൽ റൗണ്ടിൽ കടന്നു. ഇന്ന് വൈകിട്ട് നടന്ന അവസാന ഗ്രൂപ്പ് മത്സരത്തിൽ ഡോൺ ബോസ്കോ ഫുട്ബോൾ അക്കാദമിയെ കീഴടക്കിയാണ് എം എസ് പി ഫൈനൽ റൗണ്ടിലേക്ക് മുന്നേറിയത്. എതിരില്ലാത്ത ആറു ഗോളുകൾക്ക് ഡോൺ ബോസ്കോ ഫുട്ബോൾ അക്കാദമിയെ എം എസ് പി തോൽപ്പിച്ചത്.
അഭിജിത്ത് എം എസ് പി ക്കായി നാലു ഗോളുകൾ നേടിയപ്പോൾ അക്മൽ ഷാൻ, അശ്വിൻ എന്നിവർ ഒരോ ഗോൾ വീതവും നേടി.
ആദ്യ മത്സരത്തിൽ പ്രോഡിജി സ്പോർട്സിനെ എതിരില്ലാത്ത ആറു ഗോളിനും രണ്ടാം മത്സരത്തിൽ കേരള ബ്ലാസ്റ്റേഴ്സിനെ 2-1 നും കീഴടക്കിയ എം എസ് പി മൂന്നാം മത്സരത്തിൽ കോവളം എഫ് സിയെ അഞ്ചു ഗോളുകൾക്ക് തോൽപ്പിച്ചിരുന്നു.
റെസ്റ്റ് ഓഫ് ഇന്ത്യ ഗ്രൂപ്പ് എഫിൽ നിന്നും ഗോകുലം കേരള എഫ് സിയും അണ്ടർ 15 ഐ ലീഗിന്റെ ഫൈനൽ റൗണ്ടിൽ കടന്നിട്ടുണ്ട്.
0 comments:
Post a Comment