കേരള പ്രീമിയർ ലീഗ് അഞ്ചാം സീസണിന് ഇന്നു തൃശ്ശൂരിൽ തുടക്കം. ഉദ്ഘാടന മത്സരത്തിൽ നിലവിലെ റണ്ണേഴ്സായ എഫ് സി തൃശ്ശൂർ കേരള ബ്ലാസ്റ്റേഴ്സ് റിസർവ് ടീമിനെ നേരിടും. വൈകിട്ട് 4 മണിക്ക് തൃശ്ശൂർ കോർപ്പറേഷൻ സ്റ്റേഡിയത്തിലാണ് മത്സരം. നിലവിലെ ജേതാക്കളായ കെ എസ് ഇ ബിയും ഏജീസും ഇല്ലാതെയാണ് ഇത്തവണ ടൂർണമെന്റ് നടക്കുന്നത്. സാമ്പത്തിക പ്രതിസന്ധികൾ മൂലം ഇരു ടീമുകളും ടൂർണമെന്റിൽ നിന്നും പിന്മാറിയത്. പത്തു ടീമുകളാണ് ഈ സീസണിൽ മാറ്റുരയ്ക്കുന്നത്. ഗോകുലം എഫ് സി, കേരള ബ്ലാസ്റ്റേഴ്സ് റിസർവ് ടീം, എഫ് സി കേരള, കേരള പോലീസ്, എസ് ബി ഐ കേരള, ക്വാർട്സ് എഫ് സി, എഫ് സി തൃശ്ശൂർ, കൊച്ചിൻ പോർട്ട് ട്രസ്റ്റ്, സാറ്റ് തിരൂർ, സെൻട്രൽ എക്സൈസ് എന്നീ ടീമുകളാണ് ഈ സീസണിൽ പങ്കെടുക്കുന്നത്.
കഴിഞ്ഞ വർഷത്തെ കറുത്ത കുതിരകളായ എഫ് സി തൃശ്ശൂർ ഇത്തവണയും കോച്ച് ജാലിയുടെ കീഴിൽ അത്ഭുതങ്ങൾ സൃഷ്ടിക്കാൻ തന്നെയാണ് ടൂർണമെന്റ് എത്തുന്നത്. എംഡി കോളേജിലെ ഒരു പിടി കോളേജ് താരങ്ങളാണ് ടീമിന്റെ കരുത്ത്. കഴിഞ്ഞ സീസണിലെ പോലെ മികച്ച പ്രകടനം കാഴ്ചവെക്കാൻ കഴിയും എന്ന പ്രതീക്ഷയിലാണ് എഫ് സി തൃശ്ശൂർ.
ഐ ലീഗ് സെക്കന്റ് ഡിവിഷനിൽ മികച്ച ഫോമിൽ കളിക്കുന്നതിന്റെ ആത്മവിശ്വാസത്തോടെയാണ് കേരള ബ്ലാസ്റ്റേഴ്സ് റിസർവ് ടീം ടൂർണമെന്റിന് എത്തുന്നത്. ആദ്യ മത്സരത്തിൽ ഓസോൺ എഫ് സിയോട് തോൽവി വഴങ്ങിയെങ്കിലും പിന്നീട് വൻ തിരിച്ചുവരവാണ് ടീം നടത്തിയത്. അവസാന മത്സരത്തിൽ മധ്യ ഭാരത് എസ് സിയെ ഏകപക്ഷീയമായ ആറ് ഗോളുകൾക്കാണ് ബ്ലാസ്റ്റേഴ്സിന്റെ രണ്ടാം നിര തകർത്തു എറിഞ്ഞത്. എന്നാൽ പ്രമുഖ താരങ്ങളായ സഹൽ അബ്ദുൽ സമദ്, ജിഷ്ണു ബാലകൃഷ്ണൻ, റൃഷി ദത്ത് തുടങ്ങി താരങ്ങളുടെ അഭാവം ബ്ലാസ്റ്റേഴ്സ് റിസർവിന് തിരിച്ചടിയാകും
0 comments:
Post a Comment