കെ പി എൽ അഞ്ചാം സീസണിന് ഏപ്രിൽ ഏഴിന് തുടക്കം ; ഉദ്ഘാടന മത്സരത്തിൽ എഫ് സി തൃശ്ശൂർ കേരള ബ്ലാസ്റ്റേർസ് റിസേർവ് ടീമിനെ നേരിടും

കേരള പ്രീമിയർ ലീഗ് 2018, ഫിക്‌സചർ കേരള ഫുട്ബാൾ അസോസിയേഷൻ പുറത്ത് വിട്ടു .

ഉദ്ഘാടന മത്സരത്തിൽ നിലവിലെ റണ്ണേഴ്സായ എഫ് സി തൃശ്ശൂർ കേരള ബ്ലാസ്റ്റേർസ് റിസേർവ് ടീമിനെ നേരിടും . തൃശ്ശൂർ കോർപറേഷൻ സ്റ്റേഡിയത്തിൽ വെച്ചാണ് ഉദ്ഘടന മത്സരം .രണ്ട് ഗ്രൂപ്പുകളിലായി തിരിച്ച് ഹോം എവേയ് രീതിയിലാണ് മത്സരം നടക്കുന്നത് .ഓരോ ഗ്രൂപ്പിലെ ആദ്യ രണ്ട് സ്ഥാനക്കാർ സെമി ഫൈനലിൽ കടക്കും .

2013/14 ആണ് കെ പി എല്ലിന്റെ ആദ്യ സീസൺ , എസ്‌ ബി ടി (ഇപ്പോൾ എസ്‌ ബി ഐ ) യെ തോൽപ്പിച്ചാണ് ഈഗിൾസ് എഫ് സി ചാമ്പ്യന്മാരായത് .രണ്ടാം സീസണിലും മൂന്നാം സീസണിലും എസ്‌ ബി ടി കേരള പോലീസിനെയും സെൻട്രൽ എക്‌സൈസിനെയും തോൽപ്പിച്ച് ചാമ്പ്യന്മാരായി .2016/17 നാലാം സീസണിൽ എഫ് സി തൃശ്ശൂറിനെ തകർത്ത് കെ എസ്‌ ഇ ബി ചാമ്പ്യന്മാരായി .പക്ഷെ ഈ സീസണിൽ സാമ്പത്തിക പ്രശ്‌നം കാരണം കെ എസ്‌ ഇ ബി പിന്മാറിയിരിക്കുന്നു  .കൂടാതെ എജി ഓഫീസും ഈ സീസണിൽ പങ്കെടുക്കില്ല .

കൊച്ചിൻ ഷിപ്പ്യാർഡ് ആയിരുന്നു കഴിഞ്ഞ സീസണിലെ കെ പി എൽ പ്രധാന സ്പോൺസേർസ് , മീഡിയ ഒൺ ആയിരുന്നു മീഡിയ പാർട്നെർസ് .മീഡിയ ഒൺ ഉണ്ടായിട്ടും  കവറേജിങ് വളരെ പരാജയമായിരുന്നു കഴിഞ്ഞ സീസണിൽ . വളരെ ചുരുക്കം മത്സരങ്ങൾ മാത്രമേ അപ്ഡേറ്റുകൾ നൽകിയിരുന്നു. കേരളത്തിലെ ഫുട്ബോൾ വളരുന്നു എന്നതിന്റെ ഒരു ഉദാഹരണമാണ് കേരളം സന്തോഷ് ട്രോഫി ചാമ്പ്യന്മാരായതും അതിനുപരി വൻ മാധ്യമ ശ്രദ്ധ നേടിയതും . കെ പി എല്ലിനും എല്ലാ മാധ്യമങ്ങളിൽ നിന്നും ഇതേ പിന്തുണ പ്രതീക്ഷിക്കാം . കഴിഞ്ഞ വർഷം വരെ ചെറിയ കോളത്തിൽ ഒതുങ്ങിയ കെ പി എൽ വാർത്തകൾക്ക് കൂടുതൽ പ്രാദാന്യം പത്രങ്ങളും നൽകുമെന്ന് കരുതാം .

ശരിയായ സ്പോൺസേർസ് ഇല്ലാത്തത് തന്നെയായിരുന്നു കേരള ഫുട്ബാളിന്റെ വളർച്ചയെ ഇതുവരെ തഴഞ്ഞത് , കേരള സന്തോഷ് ട്രോഫി ടീം കോച്ച് സതീവൻ ബാലൻ കഴിഞ്ഞ ദിവസങ്ങളിൽ ഒരു അഭിമുഖത്തിൽ പറയുകയുണ്ടായി .കുറഞ്ഞ സമ്മാനത്തുകയും കഴിഞ്ഞ സീസണിൽ 500 രൂപ പ്ലയെർ ഓഫ് ദി മാച്ചിന് നൽകിയതിൽ ആരാധകരിൽ വൻ പ്രതിഷേധം ഉയർന്നിരുന്നു . കേരള ഫുട്ബോൾ കഴിഞ്ഞ സീസൺ അപേക്ഷിച്ച് ഒരു പിടി മുന്നിൽ തന്നെയാണ് ഇപ്പോൾ , അത് കൊണ്ട് തന്നെ കൂടുതൽ നിക്ഷേപകർ കേരള ഫുട്ബോളിനും കേരള പ്രീമിയർ ലീഗിലും ഉണ്ടാകുമെന്ന് നമുക്ക് കരുതാം .