ഐ ലീഗിലെയും സൂപ്പർ കപ്പിലേയും പോരാട്ടത്തിന് പുറമേ 'ജയന്റ് കില്ലേഴ്സിനെ' കാത്തിരിക്കുന്നത് കെ പി എല്ലിലെ പോരാട്ടങ്ങൾ.. പുതിയ സ്പാനിഷ് കോച്ച് വലേറെക്കൊപ്പം പുത്തൻ പരീക്ഷണങ്ങളുമായാണ് ഗോകുലം കേരള എഫ്‌സി കെ പി എല്ലിൽ അണിനിരക്കുന്നത്.. ഫോർമേഷനും പൊസിഷനിങ്ങും അടിമുടി മാറ്റിപ്പരീക്ഷിക്കുന്ന വലെറയുടെ തീരുമാനങ്ങളെ ശരിവെക്കുന്ന പ്രകടനമാണ് ഗോകുലം ഇപ്പോൾ കാഴ്ചവെക്കുന്നത്..സെൻട്രൽ എക്സൈസിനെ ഒന്നിനെതിരെ മൂന്നു ഗോളുകൾക്ക് തകർത്താണ് ഗോകുലം കെ പി എല്ലിലെ പടയോട്ടം ആരംഭിച്ചത്. അടുത്ത മത്സരം ഇന്ന് ശക്തരായ എഫ് സി കേരളയുമായാണ്. സെക്കന്റ്‌ ഡിവിഷൻ ഐ ലീഗിൽ മികച്ച പ്രകടനം കാഴ്ചവെക്കുന്ന എഫ് സി കേരള വമ്പന്മാരെയെല്ലാം പുറകിലാക്കി ടേബിൾ ടോപ്പർമാരാണ്.
എന്നാൽ ഗോകുലം കളിക്കാരെല്ലാം ഫിറ്റ്നസ് വീണ്ടെടുത്തതും സുഹൈർ അടക്കമുള്ള മുന്നേറ്റ നിര മികച്ച ഫോമിൽ തുടരുന്നതും തുടരുന്നതും ബാറിന് കീഴിൽ അജ്മലിന്റെ അത്യുജ്ജല പ്രകടനവും വലെറയുടെ ആത്മവിശ്വാസം ഉയർത്തുന്നു.. മാത്രമല്ല തന്ത്രങ്ങളുടെ ആശാൻ ടെക്നിക്കൽ ഡയറക്ടർ ബിനോ ജോർജിന്റെ മേൽനോട്ടം കൂടിയാകുമ്പോൾ ഗോകുലം പതിന്മടങ്ങ് ശക്തിയാർജ്ജിക്കും..
എന്തായാലും ഗോകുലം എഫ് സി കേരള മത്സരത്തെ ആവേശത്തോടെ കാത്തിരിക്കുകയാണ് ഗോകുലത്തിന്റെ ആരാധകരായ ബറ്റാലിയ..
®സൗത്ത് സോക്കേഴ്സ് മീഡിയ വിങ്..
കൂടുതൽ ഫുട്‌ബോൾ വാർത്തകൾക്ക് ഞങ്ങളുടെ ഫേസ്ബുക്ക് പേജ് സന്ദർശിക്കൂ.
0 comments:
Post a Comment