Tuesday, June 26, 2018

കേരള സന്തോഷ് ട്രോഫി താരവും നിലവിലെ എഫ് സി കേരളയുടെ താരവും ആയ ജിതിൻ എം സ് ബ്ലാസ്റ്റേഴ്സിൽ.




സന്തോഷ് ട്രോഫിയിൽ കേരളത്തിന്റെ ആക്രമണങ്ങൾക്ക് ചുക്കാൻ പിടിച്ച കേരളത്തിന്റെ പുത്തൻ താരോദയത്തെ ബ്ലാസ്റ്റേഴ്‌സ് സ്വന്തമാക്കുന്നു.നിലവിൽ  എഫ് സി കേരളയുടെ ഭാഗമായിരുന്ന ജിതിൻ അവർക്ക് വേണ്ടി ഐ ലീഗ് സെക്കന്റ്‌ ഡിവിഷൻ, കേരള പ്രീമിയാർ ലീഗ് എന്നിവയിൽ മികച്ച പ്രകടനം നടത്തിയിരുന്നു. മാത്രമല്ല ഒരു ഇടവേളക്ക് ശേഷം സന്തോഷ് ട്രോഫി കേരളത്തിൽ എത്തിക്കുന്നതിന്  മികച്ച പോരാട്ടം നടത്തിയ താരമാണ് ജിതിൻ എംഎസ്. ഒരുപോലെ അറ്റാക്കിങ്ങിലും മിഡ് ഫീൽഡിലും തിളങ്ങുന്ന ജിതിനെ പ്രൊഫഷണൽ ഫുട്ബോളിന്റെ മേഖലയിലേക്ക് കൂട്ടികൊണ്ട് വന്നത് എഫ് സി കേരള ചീഫ് കോച്ച് പുരുഷോത്തമനാണ്. അടുത്ത ഐ എം വിജയനാകാൻ സാധ്യത കല്പിക്കുന്ന യുവ താരത്തിന്റെ സൈനിങ്‌ ഏറെ പ്രതീക്ഷയോടെയാണ് ബ്ലാസ്റ്റേഴ്‌സ് ആരാധകർ കാണുന്നത്. തൃശ്ശൂർ ശ്രീ കേരളവർമ കോളേജ് ബിരുദ വിദ്യാർത്ഥി കൂടിയാണ് ജിതിൻ.

0 comments:

Post a Comment

Blog Archive

Labels

Followers