പതിനേഴാമത് ഏഷ്യ കപ്പിൽ ഇനി അവസാന എട്ടിന്റെ അങ്കങ്ങൾ.ക്വാർട്ടർ ഫൈനൽ മത്സരങ്ങൾ ഇന്നും നാളെയുമായി അറേബ്യൻ മണ്ണിലെ നാല് വേദികളിൽ അരങ്ങേറും.
ജപ്പാൻ - വിയറ്റ്നാം മത്സരത്തോട് കൂടിയാണ് ക്വാർട്ടർ ഫൈനൽ മത്സരങ്ങൾക്ക് തുടക്കമാവുക.ദുബായിലെ അൽ മഖ്ത്തൂം സ്റ്റേഡിയത്തിലാണ് ഈ മത്സരം.കറുത്ത കുതിരകളായ വിയറ്റ്നാമിനോട് കരുതലോടെയാണ് ജപ്പാൻ ഇറങ്ങുന്നത്. ഇത് ജപ്പാന്റെ തുടർച്ചയായ എട്ടാം ക്വാർട്ടർ പ്രവേശനമാണ്.ഫിഫ റാങ്കിങ്ങിൽ ജപ്പാൻ 50ആം സ്ഥാനത്തും വിയറ്റ്നാം 100ആം സ്ഥാനത്തുമാണ്.പ്രീക്വാർട്ടറിൽ ജപ്പാൻ പ്രബലരായ സൗദി അറേബ്യയെയും വിയറ്റ്നാം ജോർദ്ധനെയും തോൽപ്പിച്ചാണ് എത്തുന്നത്.
രണ്ടാം ക്വാർട്ടറിൽ കരുത്തരായ ഇറാൻ ചൈനയോട് ഏറ്റുമുട്ടും. അബുദാബിയിലെ മുഹമ്മദ് ബിൻ സയ്ദ് സ്റ്റേഡിയത്തിൽ ഇന്ത്യൻ സമയം9.30നു ആണ് കളി.പ്രീക്വാർട്ടർ ഫൈനലിൽ ഇറാൻ ഒമാനെയും ചൈന തായ്ലാൻഡിനെയും ആണ് വീഴ്ത്തിയത്.
©️ Southsoccers -Together for Indian Football
0 comments:
Post a Comment