ഇന്ത്യ ഉൾപ്പടെ കെന്യ , ന്യൂസീലൻഡ് , ചൈനീസ് തായ്‌പേ എന്നി രാജ്യങ്ങളടങ്ങുന്ന ഇന്റർ-കോണ്ടിനെന്റൽ ചാമ്പ്യൻസ് കപ്പ് ജൂൺ ഒന്നിന് മുംബൈ ഫുട്ബാൾ അറീനയിൽ വെച്ച് നടക്കും .എന്നാൽ ജൂൺ 4 ന് കെന്യയുമായുള്ള മത്സരം ഏറ്റവും പ്രത്യേകതയുള്ളതായിരിക്കും .എന്താണെന്നല്ലേ ? അതെ ദേശീയ ഫുട്ബോളിലെ നായകൻ സുനിൽ ഛേത്രിയുടെ നൂറാം മത്സരം. അത്തരമൊരു നാഴികക്കല്ലിലെത്തിയ ബെയ്ച്ചുങ് ബൂട്ടിയയ്ക്ക് ശേഷം രണ്ടാമത്തെ ഇന്ത്യക്കാരനായിരിക്കും ഈ ബെംഗളൂരു എഫ് സി സ്ട്രൈക്കർ.
2005 ജൂൺ 12 ന് പാക്കിസ്ഥാനെതിരെ അരങ്ങേറ്റം കുറിച്ച 33 കാരൻ ഇതുവരെ 98 ക്യാപ്സുകൾ നേടിയിട്ടുണ്ട്. ഇന്റർകോണ്ടിനെൻറൽ കപ്പ് ചൈനീസ് തായ്പേയ്ക്കെതിരെയുള്ള അരങ്ങേറ്റ മത്സരത്തോടെ ഇത് 99 ആകും . രാജ്യത്തിന് വേണ്ടി 104 മത്സരങ്ങളിൽ കളിച്ച് ഇതിഹാസ താരം ബൂട്ടിയയാണ് മുന്നിൽ.
ബംഗളൂരു എഫ്സി ക്യാപ്റ്റൻ ഛേത്രി ഇന്ത്യക്ക് വേണ്ടി ഇത് വരെ 56 ഗോളുകൾ നേടിയിട്ടുണ്ട് , അതിൽ ഛേത്രിയുടെ ആദ്യ ഹാട്രിക്ക് പിറന്നത് 2008 ഓഗസ്റ്റ് 13 ന് എ എഫ് സി ചല്ലന്ജ് കപ്പ് ഫൈനലിൽ താജാകിസ്താനെ ഇന്ത്യ 4-1 ന് കീഴടക്കിയപ്പോഴാണ് . കഴിഞ്ഞ ജൂണിൽ ഛേത്രി ലോകത്തിലെ ഗോൾ വേട്ടക്കാരുടെ പട്ടികയിലും നാലാം സ്ഥാനത്തെത്തി. കിർഗ്ഗിസ്ഥാന് എതിരെ മത്സരത്തിൽ 54 ാം ഗോൾ നേടിയതോടെ ഇംഗ്ലണ്ടിൻറെ ഇതിഹാസം വെയ്ൻ റൂണിയെ മറികടനന്നായിരുന്നു ഈ നേട്ടം .
റിപ്പോർട്ടുകൾ അനുസരിച്ച് 100ആം മത്സരോത്തോട് അനുബന്ധിച്ച് ഛേത്രിയെ ആദരിക്കാൻ എ ഐ എഫ് എഫ് പദ്ദതി ഇടുന്നുന്നുണ്ട് , കൂടാതെ മുംബൈ ഫുട്ബോൾ അസോസിയേഷനും പല പരിവാടികളും ആസൂത്രണം ചെയ്യുന്നുണ്ട് .നേരത്തെ എ ഐ എഫ് എഫ് രാജ്യത്തെ നാലാമത്തെ ഉയർന്ന അവാര്ഡായ പദ്മശ്രീക്ക് വേണ്ടി ഛേത്രിയുടെ പേര് ശുപാർശ ചെയ്തിരുന്നു .
0 comments:
Post a Comment