ഷില്ലോങ്ങിലെ ജെ എൻ സ്റ്റേഡിയത്തിൽ നടക്കുന്ന U -18 യൂത്ത് ലീഗിന്റെ ഫൈനലിൽ കേരള ബ്ലാസ്റ്റേർസ് ഷില്ലോങ് ലജോങ് എഫ്സിയെ ശെനിയാഴ്ച്ച നേരിടും , വൈകിട്ട് 4:30 നാണ് മത്സരം അരങ്ങേറുക .
U -18 യൂത്ത് ലീഗ് യോഗ്യതാ റൗണ്ട് ഈ വർഷം ആദ്യത്തോടെ ആരംഭിച്ചു. ഷില്ലോങ്-ഗുവാഹത്തി മേഖലയിൽ ലജോങ് എഫ് സി ആറു മത്സരങ്ങളിൽ നിന്ന് 16 പോയിന്റുമായി പോയിന്റ് പട്ടികയിൽ ഒന്നാമതായിരുന്നു . ഈസ്റ്റ് ബംഗാളിനെ 2-0 ത്തിനു തോൽപ്പിച്ച് സെമി ഫൈനലിൽ അവർ ജയിച്ചു. ടൂർണമെന്റിൽ മൊത്തം 21 ഗോളുകൾ നേടിയിട്ടുള്ള ലാജോങ് വഴങ്ങിയത് മൂന്നു ഗോളുകൾ മാത്രം .
അതേസമയം, റെസ്റ്റ് ഓഫ് ഇന്ത്യ ഗ്രൂപ്പ് ഡിയിൽ കേരള ബ്ളാസ്റ്റേഴ്സ് എഫ്സി 4 മത്സരങ്ങളിൽ നിന്ന് 7 പോയിന്റുമായി രണ്ടാം സ്ഥാനത്തായിരുന്നു . പ്ലേയ് ഓഫിൽ 3 മത്സരങ്ങളിൽ നിന്ന് 6 പോയിന്റോടെ വീണ്ടും രണ്ടാം സ്ഥാനം നേടി . ഗ്രൂപ്പ് സിയിൽ ഫൈനൽ റൗണ്ടിൽ അവർ മൂന്നു മൽസരങ്ങളിൽ നിന്ന് 7 പോയിന്റുമായി പോയിന്റ് പട്ടികയിൽ ഒന്നാമതായി അവസാനിച്ചു. ബ്ലാസ്റ്റേഴ്‌‌സ് 11 മത്സരങ്ങളിൽ നിന്നായി 20 ഗോളുകൾ നേടിയിട്ടുണ്ട് .
സെമിയിൽ സായ് കൊൽക്കത്തയെ 2-1ന് വീഴ്ത്തിയാണ് കേരള ബ്ലാസ്റ്റേർസ് ഫൈനൽ ഉറപ്പിച്ചത് . ഏതായാലും നാളത്തെ മത്സരം തീപാറുമെന്ന് തീർച്ച . കേരള ബ്ലാസ്റ്റേർസ് ആദ്യ കിരീടം യൂത്ത് ടീമിലൂടെയാന്നെകിലും നേടുമെന്ന ആത്മവിശ്വാസത്തിലാണ് ആരാധകർ .
0 comments:
Post a Comment