കേരളത്തിലെ ഫുട്ബോൾ പ്രേമികൾക്ക് ഒരു സന്തോഷവാർത്തയുമായി കേരള ഫുട്ബോൾ അസോസിയേഷൻ. കേരള ഫുട്ബോൾ അസോസിയേഷൻ സംഘടിപ്പിക്കുന്ന എല്ലാ മത്സരങ്ങളും ഇനി മുതൽ ലൈവായി കാണാം. ഓൺലൈൻ സ്ട്രീം പ്ലാറ്റ്ഫോമായ മൈകൂജോ ഡോട്ട് കോം വഴിയാകും മത്സരങ്ങൾ ഫുട്ബോൾ പ്രേമികൾക്ക് മുന്നിലേക്ക് എത്തുക. ഇതേ സംബന്ധിച്ച് കേരള ഫുട്ബോൾ അസോസിയേഷനും മൈകൂജോ ഡോട്ട് കോമും ധാരണയായി.
ഏഷ്യയിലെ ഒട്ടേറെ ടൂർണമെന്റുകൾ മൈകൂജോ ഡോട്ട് കോം തത്സമയം സംപ്രേഷണം ചെയ്യാറുണ്ട്. എ എഫ് സി കപ്പ്, സാഫ് കപ്പ് ജൂനിയർ വിഭാഗം മത്സരങ്ങൾ എന്നിവ കഴിഞ്ഞ വർഷങ്ങളിൽ പ്രേക്ഷകരിലേക്ക് എത്തിച്ചത് മൈകൂജോ ഡോട്ട് കോം ആയിരുന്നു. കെ എഫ് എ അണ്ടർ 12 അക്കാദമി ലീഗ് സംപ്രേഷണം നടത്തിയാകും മൈകൂജോ ഡോട്ട് കോം കേരളത്തിലെ ഫുട്ബോൾ മത്സരങ്ങളുടെ സംപ്രേഷണത്തിന് തുടക്കം കുറിക്കുക
നവംബർ ഒന്നിന് ആരംഭിക്കുന്ന സംസ്ഥാന സീനിയർ ഫുട്ബോൾ ചാമ്പ്യൻഷിപ്പും കേരള പ്രീമിയർ ലീഗും എല്ലാം ഇനി കേരളത്തിലെ ഫുട്ബോൾ പ്രേമികൾക്ക് തത്സമയം ആസ്വദിക്കാം.
Congratulations to KERALA FOOTBALL ASSOCIATION.
ReplyDelete