സുനിൽ ഛേത്രി എഫക്റ്റ് സ്റ്റേഡിയത്തിലെ കാണികളുടെ എണ്ണം മാത്രമല്ല , ഇതാ ഇപ്പൊ BARC പുറത്ത് വിട്ട 23 ആം ആഴ്ച്ചയിലെ റാങ്കിങ്ങിൽ ഒന്നാം സ്ഥാനം നേടി ഏറ്റവും കൂടുതൽ ആരാധകർ ടി വി യിൽ വീക്ഷിച്ച മത്സരം കൂടി ആയിരിക്കുന്നു . ഭാരതത്തിന്റെ കാൽപ്പന്ത് ചരിത്രത്തിൽ സ്വർണ്ണലിപികളാൽ എഴുതി ചേർത്ത ഇതിഹാസതാരം അപേക്ഷിച്ച വീഡിയോ ഇന്ത്യ മുഴുവൻ ചർച്ച വിഷയമായിരുന്നു . വളരെ ചുരുക്കം കാണികൾക്ക് മുൻപിൽ സ്വന്തം രാജ്യത്തിനു വേണ്ടി കളിക്കാനിറങ്ങിയ നായകന്റെ ചങ്കുകലങ്ങിയ വാക്കുകൾ... ചൈനീസ് തായ്‌പേയ്ക്കെതിരെ അഞ്ചു ഗോളിന്റെ തകർപ്പൻ വിജയം നേടിയെങ്കിലും സ്വന്തം നാട്ടിലെ കാണികളുടെ എണ്ണം ഇന്ത്യൻ നായകന്റെ മനസ്സിൽ ഒരു നീറ്റലായി മാറിയിരുന്നു.ഇതോടെയാണ് ഛേത്രി തന്റെ ട്വിറ്ററിലൂടെ വീഡിയോ അപ്‌ലോഡ് ചെയ്തതും വൈറൽ ആയതും .
BARC കണക്കുകൾ പ്രകാരം കേന്യക്കെതിരെ സുനിൽ ഛേത്രിയുടെ 100 ആം മത്സരം 701,000 റേറ്റിംഗ് നേടി സ്റ്റാർസ്പോർട്സ് 2 23ആം ആഴ്ചയിൽ ഒന്നാം റാങ്കിങ് കരസ്ഥമാക്കി .അതിന് തോട്ട് പിന്നാലെ ഉള്ളത് ഇന്റർ കോണ്ടിനെന്റൽ കപ്പിലേ ഇന്ത്യ ന്യൂസിലാൻഡ് മൂന്നാമത്തെ മത്സരമാണ് ,ഇത് 685,000 റേറ്റിംഗ് നേടി .ക്രിക്കറ്റ് ഇല്ലാത്ത സമയത്ത് സ്ഥിരമായി ഒന്നാം സ്ഥാനത്തെത്തുന്ന WWE raw മൂന്നാം സ്ഥാനത്തേക്ക് പിന്തള്ളപ്പെട്ടു . ഇന്ത്യ കെന്യ ഇന്റർകോണ്ടിനെന്റൽ കപ്പ് ഫൈനലിന്റെ റേറ്റിംഗ് പുറത്ത് വിട്ടിട്ടില്ല , അടുത്ത ആഴ്ച്ഛയിലായിരിക്കും പുറത്തു വിടുക . ഇന്ത്യ ചാമ്പ്യന്മാരായ ഫൈൻൽ മത്സരത്തിന്റെ റേറ്റിംഗ് ഒരു പക്ഷെ ഇന്ത്യൻ ഫുട്ബോൾ ചരിത്രത്തിലെ റെക്കോർഡ് റേറ്റിംഗ് തകർക്കുമെന്ന് നമുക്ക് പ്രതീക്ഷിക്കാം .
0 comments:
Post a Comment